Sagaing ramṭhen, Ywarhtin Thlanmual ah Mi 3 an Urkang That

April 7 zaan ah Sagaing ramṭhen, Pale myone, Ywarhtin khua ih Thlanmual ah hmaikawr bun minung 40 hrawng in mi 3 an urkang that tiah theih a si.

Mithattu hi zo pawl an si ti theih ciang a si lo ih mithi tei` sungkhat mipakhat cun “kan khua nitlaknak lam ih thinghnahro (ထန်းရွက်) duah/urkang mi thu ah mi 200 hrawng an ra ih kut deunglet in an ṭawn hnu ah an hruai cih. An khang thatmi mipathum cu U Khin Mawng Shew (kum 60), U Kyaw San Lin (kum 50), U Maung Niang (kum 35) pawl an si” tiah VOM hnen ah sim.

Hmaikawr bun minung 40 hrawng nih an pathum in thlanmual lam ah an hruai ih motor tire thawn an urkang that tiah a hmutu pawl in an sim.

Cuih tlun ah that tuar tei` inn bungrua khal an siat sak thluh ih innsung ih retmi paisa, sui le thil mankhung ṭhenkhat khal a hlo tikhalin an sim.

Hih thuthawn pehpar in VOM in palik hnen ah thu felfai a sut tikah “aw, meisa thawn an urkang thatmi thubuai a um. Mithitu U Maung Naing ih nupi khal naam thawn an dawt” tiah palik in an sim.

Hih thubuai ah ralkap an tel maw, khuasung buainak men maw a si tikhal theih fel a si lo ih thuhla feifai thei suak dingin palik lam in zingzoinak an nei.

Leave a Reply

Your email address will not be published. Required fields are marked *