Sagaing ramṭhen ih innkang ah nauhak pahnih an thi

January 3, zaanlam nazi 2 ah Sagaing ramṭhen, Satpia khua ah inn a kang ih nauhak 2 an thi.

Caw rawl retnak inn sung ah meitalh thawn lek rerotu kum 5 mi le kum 2 mi nauhak ruangih suakmi kaangmei a si ih cuih nauhak pahnih ih nunnak a liam phah a si.

“Kangmei suak ol zetnak Caw rawl retnak inn ah meitalh thawn an lek. Cawl rawl ro pawl a kang thok cu an thinphang tukih inn sung ah tlan lut in it-khun tang ah an relh. An inn a kang tel tik ah suak nak a um nawn lo ih meikang ah an thi cih” tiah MinMuu Myo meithat ṭuanvonei mipakhat in a sim.

Mithi nauhak pahnih cu inn neitupai` fapa le tupate an si ih upa inn an um lo sungah an rak cangsualmi a si.

Meisa cun inn pakhat le Caw rawl retnak inn pakhat a ti kaangral.

Inn kang le nauhak thi thu thawn pehpar in Minmuu Myo palikzung lam in zingzoinak an nei peh vivo tum ih a ṭul dan vekin hmalaknak an nei tum tiah dvb in a ngan.

Leave a Reply

Your email address will not be published. Required fields are marked *