Sagaing ah Rapthlak zetin mi 8 sat that tuar

Sagaing ramṭhen, Shwebo peng, Kyar khua ah, zo an si ti thei lomi miburrualin December 9, zaanlam nazi 5 hrawngah naamtong hmangin mi 8 an sat that tiah theih a si.

Ramsung thuthang le December 10 zaan ih SAC ralkap thusuahvek a si le thattuar mi 8 pawl cu “Dalan” tiah puh tuar in an thatmi ti a si.

Athattu hi mibur 30 hrawng siin tarlang a si ih, hmaikhuh bun in khuasung an lut hnu ah mi 9 an kai ih khawhnar ah naamtong fungthal hmangin an thawi that.

Dalan tiih puhmi cu khuami 4 le khuadangmi 5 pawl an si ih, kut dunglet in an ṭawn ih khuahnar lam an panpi hnu ah nunau pakhat cu an thlah saal.

Mithi pawl cu an taksa pawl ah vuakvelhnak neh a lang ih naamte dawt nak khal hmun tamzet ah a um. Hih thuthawn pehparin sualtuahtu cu phorhsuakin Daantatnak kan nei ding tiah SAC ralhraang in thu an suah.

Hih thuthawn pehparin mipi lakah hmuhdan dangdang a suak ih “tumtah nei in an mah sawn ih cangvaihnak khal a si thei” tiih zumnak neitu khal an um a si.

Leave a Reply

Your email address will not be published. Required fields are marked *