SAC Ralkap Mei pawk phah cingin ZALENNAK a hlo lan ding ka phang titu Khat Htein Nan

Kachin, State Administration Council Chairman U Khat Htein Nan cun SAC ralkap ukhruainak hnuai ih hnaṭuan phah cingin “Myanmar ram ah zalennak a hlo lan ding ka phangbik” a ti.

Humhminnak hrangah meithal keng ralkap mawṭaw 2 thlun terin Nawngnang khuate mipi hmai ah May 15 ah a sim mi.

Cuihtlunah ralkap pawl in sinak sang an pek mi cu pathian duhthlan a si thu, suahsemnak Kachin ram fingkhawi dingih hnaṭuan pek a si ruangah ṭuanvo a cohlang mi a si thu, Duhphorhnak men in ralkap hnong a theih lo thu, Kum 60 rei hnu 2008 Daanhrampi ruangah Democracy a suak thei fang thu a sim tiah Kachinwaves in a tarlang.

State Administration Council (နိုင်ငံတော်စီမံအုပ်ချုပ်ရေးကောင်စီ) cu Min Aung Hlaing hohami kawl ralkap in February 1 ih kumpi cozah thuneihnak an la hnu ah rampi ukhruituding ih dinsuahmi ralkap cozah a si ih mipi cozahdik tiih ruahmi Committee Representing Pyidaungsu Hluttaw cun ralhraang pawlkom “terrorist group” pakhat an si tiah tlangthannak an rak nei dah mi a si.

Leave a Reply

Your email address will not be published. Required fields are marked *