SAC ralhraang hrem thatmi miruak 15 an sar

SAC ralhraang luhcilhmi Sagaing ramṭhen, Kani myone, Yin khua thawn peng khat hrawng hlat nak hmun ah zohawk ṭhalo rapthlakza miruak 15 an sar.

July 9 le 10 ah Chindwin nisuahnak lam ih khua thum mipi pawl hramlak ih beunak hawltu lakah mipum 26 an kim lo ih, cupawl an hawl saal nakah mithi ruak 15 an sar mi a si.

“SAC ralhraang in Chindwin tipi kap ih khua pawl nihnih sung an cawklet ṭum ah khuami tamzet cu hramlak ah beunak an hawl. Mihlo 26 an um ih Volunteer pawl in kan va hawl cu rapthlak zetih that tuar miruak 15 kan sar.”

“Mithi pawl cu Yin, Kungtha le PaluZaWah khuami pawl an si ih, mitamsawn cu kum 30-50 karlak hrawng an si” tiah mihlo hawltu lakih telve mipakhat in a rel ih “mizaan July 12 ah kan vuiliam zo” a ti.

Hremthat tuar mi lakah hri dai thawn ṭawn in hngawng hlep tuar, hmai vun at sakmi tvk khal an um ih an taksa par ah hrem tuar nak hmaneh a khat thluh.

“SAC ralhraang hremthatmi an si rori. Za ah Za rori a caing. In hum tu ding sawn in hivek rori` ih mipi in ti duhdah cu ngai thiam thei rual a si lo. Curuangah ralhraang ciimit hlan lo kan do ding” tiah khuami pakhat cun a rel.

Video na zoh duh le hinah hmet “That tuar khuami 15

Leave a Reply

Your email address will not be published. Required fields are marked *