SAC-ralhraang kut tuar in nauhak pakhat thi lala

Kachin ramṭhen, Momauk myo, Hkarnan veng, arzuat hmuan ih meithal tum kap puak mi cun kum 10 mi nauhak a hliam that.

Cumicu, May 24 sun nazi 12 hrawngah SAC ralhraang ခလရ ၄၃၇ umnak lam in kahmi a si tiah khuami pawl in an sim.

Khuami pakhat cun “amah hi phun 6 kai lai a si ih vuai danding an tawlrel lai” a ti.

Puakkuainak ruangah ar thi khal an tam ih hmuan sung khal a siat nasa tikhalin amah cun a sim hrih.

Momauk peng ah April thla hrawngin SAC ralhraang le KIA nasaten an kapaw ih raltlan mipi khal an tam hlei ah leiphumbomb pal ngah le meithal hliam tuar mipi an tam zet.

Tudinhmun tiangah Kachin ramkulh hmun ṭhenkhat ahcun doawknak a um pehzom vivo ih raltlan mipi le nunnak liamtu khal an pung vivo a si.

Leave a Reply

Your email address will not be published. Required fields are marked *