SAC Ralkap umhmun khuarnak GAD (ထွေအုပ်) zung in Bomb puak thawm a thang

Yangon ramṭhen, Yankin myo ih GAD (General Administration Department – အထွေထွေအုပ်ချုပ်ရေးမှူးရုံး) zung ah voithum rori bomb a puak tiah theih a si.

Yankin GAD zung cu SAC ralkap umhmun khuarnak hmun a si ih tuisun April 17, zaanlam 2 luan hrawngah cuih hmun in bomb puak awn a thang ih meithal kap awn khal a thang cih tiah kiangkap ih um pawl in an sim.

“Voithum rori bomb puak awn kan thei. Kiangkap khal a tlir thluh thei. Innsung lam tiang a hnin thei thluh. Cuhnu ah meithal puak thawm a thang” tiah Yankin ih um mipakhat in a sim.

Mithi ziangzet an um, mipi lam teh hliamtuar an um maw? tivek cu thu felfai a suak hrih lo nan namhngetlo thuthang ṭhenkhat cun a hmun rori ih thi cih pakhat a um ih ralkap lam hliamhma tuar pahnih an um tiah an tarlang.

Mizaan lam khal ah Yangon ramṭhen, Kamayut myo ah a pehpeh in bomb a puak ih hliamhma tuar ṭhenkhat an um tiah theih a si.

zuk : Aremcangmi tar menmi a si.

Leave a Reply

Your email address will not be published. Required fields are marked *