SAC ralkap in HIV mina tuamhlawmnak Center luhhnawh

Yangon ramṭhen, Dagon khua thar, No 11 veng ih HIV mina tuamhlawmnak NAC CENTER cu May 2 ah SAC ralkap pawl in an siim.

Zung sung ah luhhnawh in tuamhlawmlai HIV mina pathum le Dr hnen ih piahaw mi 9 an kai tiah NAC CENTER dinsuahtu Daw PhuyPhuy in a ti.

Amahcun “mihring thinlung neilo pawl in zohkhenṭul mina an hruai cih. Sii in lai mipathum phei cu tuhlan ihsin mina besia an si ih pakhatkhat an cang pang cun thuneihnak atcilhtu pawl ih mawh a si tiah ka sim duh.”

“Mi par ih thil an ti dan hi an mah khalin an tuar ve leh ding ti ka sim duh. Mi soisa in an duh tikih mi an that mi pawl hi hitin a cem ral men lo ding. Tuar ve leh dingin an ralring ka beisei” tiah social media ah a ngan.

Assistance Association for Political Prisoners (Burma) zingzoi mivek asile Min Aung Hlaing hohami Kawl ralkap in February 1 ih kumpi cozah thuneihnak an la hnu ah an mah dodaltu minung 800 kim zik an that zo ih 5000 kimzik kaihkhihmi an nei zo. (C8News)

Leave a Reply

Your email address will not be published. Required fields are marked *