Chin ram nor thok dingin SAC ralhraang pawl meeting nei fel zo

Rampumhuap doawknak thuthang theih ding tambiknak Sagaing ramṭhen, Magway ramṭhen (Yaw ram) le Chin ramkulh pawl cu SAC ralhraang in a nor thok tum thlang tiah tat sung in thu a puut darh.

Cuih ram pawl cu Lieutenant general Than Hlaing hohanak thawn October 9 ihsin an nor thok thei tiah tat sung in thuthup a puut darh.

“Lieutenant general Than Hlaing hohanak in October 2 zaan ah meeting an nei zo. An nor tum nak hmun ih rak um cia ralbawi pawl cu khawi lam an feh ding ti ka thei lo. Hitiih hmai nor thok an tum cu cuih hmun pawl ah an tuar natuk ruangah a si” tiah tat sung in thuthang dongtu Myanmar Pressphoto Agency cun a tarlang.

Mipi humtu ralkapbu (PDF/CDF) do nak ding ralthuam le mawṭaw tivek khal an kuat thluh zo tiah MPA cun a tarlang.

Doawknak hohatuding Lieutenant general Than Hlaing hi Kawlram nitlaknak saklam ih ralkap commander ṭuanvo rak latu a si ih a sinak khaiso a si hnu ah Lieutenant general le chief of the Myanmar police force dinhmun in ကစထ – 6 ih ṭuanvonei a si.

SAC ralhraang cun kan dung baite ah Tlangpar hriamkai pawl thawn kahdocolh lungkimnak an nei mi cu thla 5 hrang an ṭhan bet nan a tu ah an tuar na nak Sagaing ramṭhen, Yaw ram le Chin ram pawl an nor tum thlang a si.

Leave a Reply

Your email address will not be published. Required fields are marked *