SAC ralhraang Raldo vanzam a tlak siat thu, Zaw Min Htun in nemhnget

Nanchang Q-5 tikhalih koh mi SAC ralhraang raldo vanzam Nanchang A-5C Fantan cu tuizing February 16 ah Sagaing ram tipar ah a tlak tiah thuthang a suak ih, cuih thu cu SAC thuphungtu Zaw Min Htun in a nemhnget.

“Zinglam nazi 10 hrawngah Sagaing ramṭhen, Ohntaw khua kiangah a tlak ih, Vanzam mawngtu a thi” tiah Zaw Min Htun cun Xinhua media hnen ah a sim.

Raldo vanzam cu mipakhat mawngcii a si ih ceet lam thilcianglo a um ruangah a tlak mi a si ih, vanzam mawngtu cu thi cia in an hmu tiah Zaw Min Htun rel mi cu Xinhua media in a tarlang.

Military-history internet cahmai ih ngan mivek a si le Myanmar Air Force hin A-5C vanzam 20 hrawng a nei ti a si ih, Fighter vanzam le bomb thlaknak vanzam zaten 112 hrawng a nei tiah a tarlang.

FANTAN Q-5/A-5 vanzam cu Leiri naite ih mikapnak ah an hmang tlangpi ih a hmangtu ram pawl cu Bangladesh, North Korea, Pakistan, China le Myanmar ram pawl an si.

Leave a Reply

Your email address will not be published. Required fields are marked *