Yangon Mopuai bomb puak ah Monu telin amalbik 2 thi

Yangon, Thingangyun myone, Thuwanna veng ih mopuai tuahnak bomb puak ah monu telin amalbik mipahnih an thi.

May 25, sun nazi 1 hrawngah mopuai laksawng ah bomb thun telmi a puak kuai ih monu le mipa pakhat a hmun ah an thi cih.

“Vengmi pawl in mopuai an tuah le tuahlo khal kan thei lo. Mimal sawm in an tuah mi si ding.”

“Bomb puak ah monu telin a hmun rori ah mipahnih an thi hriamtuar amalbik 2 an um. Mithi hi 3 khal an si thei” tiah vengsungum mipakhat in YLN hnen ah a sim.

MNO (မြန်မာနိုင်ငံလုံးဆိုင်ရာ အမျိုးသားရေးအစည်းအရုံး) Yangon sungtel a simi mopa khal hliam nazet a tuar tiah amah cun a sim hrih.

Vengmi mipakhat khalin “Mopuai laksawng an ong lai ah a puak tiah an sim. Monu ruak thiartu pawl ih simvek a si le mopa cu bomb puak lai ah inntang ah a ṭum. Monu cu a taitang hliam in a thi cih. Midang hliam tuar khal an um” a ti.

Bomb puak hnu reilo ah SAC ralhraang an thleng cih ih kiangkap naivai kulh ṭhehin cangvaihnak an nei cih tiah theih a si.

Leave a Reply

Your email address will not be published. Required fields are marked *