SAC Ralhraang in Zaykabar Museum neitu Khin Shwe le a fapa an kai nak san relfiang

U Khin Shwe, Zaykabar Museum neitu le a fapa, Zay Thiha cu section 24 (Protection and Preservation of Ancient Buildings Law (2015) thubuai thawn SAC ralhraang in Insein Thawnginn ah an khum.

Yangon region, Bahan Township, Shwe Taung Gyar 1 ward ih a inn cu March 21 zaan ah an luhhnawh ih rinlopin an pafahnih in ralhraang in an kai.

Khin Shwe tei pafahnih kaihkhih an si thu ah “Cozah (Ministry of Defense) leiram hlanman an pek famkimlo ruangah siseh, khuahlan rohlu innpi telin daan loin inn 4 an ṭhiatbal ruangah le Leiram neitu siannak telloin ramdang company thawn mi leiram ih hna an ṭuan tlangnak pawl ruangah kaihkhih an si” ti`n Ralhraang thuphuangtu Zaw Min Htun in March 24 ah a rel.

Khin Shwe cu Upper House MP dinhmun in kum 2011 ihsin 2016 tiang Kawlram cozah hnaṭuan a si ih, Kawlram ih innsak lam company tumbik Zaykabar Construction ih Chairman khal a si cih.

Leave a Reply

Your email address will not be published. Required fields are marked *