SAC ralhraang in Thawngtlak vehvaitu pawl dung thlun thup

Ram thu thawn pehparih Thawngtlak pawl nasatukih hrem an tuar thu, MPA in a pholang mi ah Innsein Thawngtlak vehvaitu miṭhenkhat cu SAC ralhraang in an dung thlun thup dingin mi fial a nei tiah an ngan tel.

Thawngtlak vekvaitu hminthup mipakhat cun “tuzarh hrawngin thawngtlak ṭhenkhat cu an sungte thawn tongawk an siang lo. Miṭhen an si len paisa sumsaw tamzet an dil.”

“Cun, Thawngtlak vehvaitu le an mah thawn pehpartu miṭhenkhat cu an feh nak tapiang ah an dung thlun thup dingin SAC ralhraang in a tawlrel. Cule, ṭhenkhat cu direct ih biakṭulnak a um pangah ti`n phone number an dil” tiah a rel.

Ralhraang in ziang duh san in thawngtlak vehvaitu pawl a thlun thup timi cu fiangfai in theih a si lo ih, miṭhen cun bawmtu an nei maw? An hnen ihsin ziangvek hlawknak kan ngah thei ding tivek thei duh ah dung an thlunter thup mi siding tiah an rel.

“Miṭhen cu inn tiang rori thlunin thusutding kan lo nei an ti ih innsung ah an luhcilh” tiah thawngtlak vehvaitu hminthup mipakhat cun a rel a si.

Leave a Reply

Your email address will not be published. Required fields are marked *