SAC ralhraang in rinlopin Journalist Danny Fenster thlah zalen saal

Kandung tlawngkai ninga ah Kawlram thuṭhenzung in kum 11 thawngtlak dingih daan a tat mi U.S. journalist Danny Fenster cu tuini November 15 ah SAC ralhraang in a thlah zalen saal tiah theih a si.

Thla 5 luan Kawlram ih thawngtlak zo Frontier Myanmar editor Danny Fenster cu a sungte umnak US ram ah a tlung tum lai, May thlalai hrawngah SAC ralhraang in an kai ih thawng ah an khum mi a si.

NUG thawn pehtlaihaw ti`n le Kawlram hmin siatertu tiah thubuai dangdang orh terin kan dung tlangkai ninga ah kum 11 thawngtlak dingih daan tat zomi a si nan tuini November 15 ah SAC ralhraang in a thlah zalen saal a si.

Ramsung thuthang ṭhenkhat le amah Danny Fenster thawn naivaitu miṭhenkhat cun “thawnginn ihsin an suah ih Kawlram lut thei nawn lo dingin hremnak an pe” tiah an rel.

Journalist Danny Fenster thlah zalen thu cu kan dung baite ih Min Aung Hlaing thawn tongawtu Bill Richardson khalin a nemhnget ih “Danny Fenster le Richardson team cu Qatar ram ihsin US ram lam pan in kan tlung tlang ding” a ti.

Kum 11 thawngtlak dingih daan an tat hnu, a ni thum nak ih thlah zalen saal mi Danny Fenster cu SAC ralhraang in ziangah a thlah zalen saal ti cu thufelfai a suak lo.

Leave a Reply

Your email address will not be published. Required fields are marked *