SAC ralhraang in NUG hruaitu le mihminthang ṭhenkhat rammi sinak a hlit sak nak san

SAC ralhraang in 2022, March thla thok lam ihsin NUG hruaitu ṭhenkhat siseh, an mah dodaltu cozah palai le ramsung mihminthang ṭhenkhat cu rammi sinak a hlit sak.

SAC ralhraang in cutiih hmalaknak a nei nak san cu rammi sinak an hlit sak ve mi U Kyaw Swa Tun in hitin a rel.

“Kan tuah ṭuan mi ‘Hmual’ a nei ruangah a si ti`n ka pom. Culo sehla SAC ralhraang in hivekin hmalaknak a nei lo ding. Kan tuah ṭuanmi pawl hi za ah za hmual a nei ti`n ka hmu.”

“Atu dinhmun, Leitlun pumhuapin kan thlir a si le SAC ralhraang Ke a kar theinak hmuh ding a um lo. UN palai Kyaw Moe Tun in mipi aiawh in leitlunpi hmai ah thu phunphun in phorh sak. Kum 1 pumhlum a kim zo bangin tutiang kan hlawhtling rero ti`n ka hmu” tiah a ti.

U Kyaw Swa Tun cu Washington DC Myanmar Embassy ih hnaṭuan dah, Dothlengnak thapetu a si ih rammi sinak an hlit sak mi thuthawn pehparin “Daan lo in rampi ukhruai thuneihnak latu an si ruangah kan nih lam in an thusuah ziangah kan siar lo. Kawlrammi dik kan si cia ruangah an thusuah cu kan par ah zianghman hna a ṭuan ve lo” tiah a ti.

SAC ralhraang in amah dodaltu rammi sinak a hlit sakmi mipum 30 luan an um zo ih, cupawlcu ဆောင်းဦးလှိုင်၊ မောင်မောင်အေး၊ ဒေါ်ခင်မမမျိုး၊ ဦးမောင်မောင် a.k.a ပြည်သစ်ညွန့်ဝေ, ဒေါ်ဖြူဖြူသင်း, ဦးဇော်ဝေစိုး၊ ဦးရည်မွန်၊ ဦးလွင်ကိုလတ်၊ ဒေါ်ဇင်မာအောင်၊ ဦးထင်လင်းအောင်၊ ဦးအောင်မျိုးမင်း၊ မအိသဉ္ဇာမောင်၊ ဒေါက်တာဆာဆာ၊ ကိုမင်းကိုနိုင်၊ ဦးမျိုးရန်နောင်သိမ်း, ပန်ဆယ်လို, ဦးမောင်မောင်လတ်၊ ဦးကျော်မိုးထွန်း၊ အောင်ကျော်နိုင်၊ မြမြကြည်၊ ကျော်စွာမင်း၊ သက်ထားမြရည်စံ၊ စုစုအောင်၊ ကျော်စွာထွန်း၊ ကြူကြူမြင့်၊ မြတ်သွယ်အောင်၊ ယမင်းယု၊ ရဲခေါင်၊ ဟန်ထူးလွင် a.k.a ကျားပေါက်၊ မေဦး a.k.a ဟိန်းမင်းဦး၊ ညီညီသရဝဏ်(ပြည်)၊ ဟန်လင်း le ဒေါင်း tipawl an si.

Siarcih : UN palai le hminthang ṭhenkhat telin Kawlrammi mipum 17 pawl cu rammi sinak hlit sak

UN palai le hminthang ṭhenkhat telin Kawlrammi mipum 17 pawl cu rammi sinak hlit sak

Leave a Reply

Your email address will not be published. Required fields are marked *