SAC ralhraang in mawh nei lo Khawmi 6 Urkaang that saal (+VIDEO)

Sagaing ramṭhen, Wetlet peng, Thitseintgyi khawmi mipa 6 cu dunglet kut ṭawnin ralhraang SAC ralkap pawl in an urkaang that.

Ralhraang thazaang 40 hrawng cu January 29 zinglam nazi 1 hrawngah Wetlet peng ah thlengin kiangkap khua pawl nasaten an kap tiah khawmi pawl in an rel.

“Phukpi thawn an kap hnu ah Thitseintgyi khua ah lutin um hmun an khur. Cunah, khawmi mipa 6 an kai ih ralkham ah an hmang” ti`n khawmi pakhat cun a rel.

Ralhraang SAC ralkap pawl cun ralkham ih an hman mi khawmi 6 pawl cu kut dunglet ṭawn in February 3 ah nung cingin an urkaang that tiah theih si.

SAC ralhraang hin tuhlan khalah a burbur rorin khawmi urkaang that mi an nei zo. Tuṭum hi khawtlang mipi theih ih mawh nei lo khawmi an urkaang, ṭum 3 nak a si.

Leave a Reply

Your email address will not be published. Required fields are marked *