SAC ralhraang in Khua pumpihlum rorin Urkaang sak

Magway ramṭhen, Pauk (ပေါက်) myone, Kinma khua cu June 15 ah hriamhrei ralthuam keng SAC ralhraang in an urkaang sak.

“June 12 ih ဒီးဒုတ်ကွင်း khuabawi inn kah tuar ṭum ah a kaptu lakih mawṭaw cycle pakhat a siat ih khuasung ah an tanta.”

“Mawṭaw cycle license kha Kinma khua ta a si ruangah ralhraang pawl cun khua siim dingin an pan. Lamlak ah bomb puah an tuar ih mi 10 hrawng an thi. Cuhnu ah hmundang ih palik le rahraang dang khalin khua siim dingin an ra pan” tiah khuami pakhat cun a ti.

Kinma khua siim dingin Ralhraang in an pan thu, thuthang a suak veten khuami zaten ralkian in hramlak ah an tlan hlo thluh. Khuami hmuh ding an um lo ruangah ralhraang cun an khua an urkaang sak tikhalin amahcun a sim hrih ih “zaanlam nazi 5 tiang ahcun innkhi ṭhen 3 i ṭhen 2 a kaang zo” a ti.

Ralhraang in khua siim tum in an pan lai ah khualeng an thlen ah doawknak a suak ta tiah an sim.

Khuami pakhat cun “ralhraang 15 hrawng an thi ih zaanlam nazi 4 hrawngah doawknak a tawp” tiah Myanmar Now hnen ah a sim ih “mipi humhimtu lam khalah hriamtuar an um” a ti.

Kinma khuate (ကင်းမရွာ) cu Pauk khuapi (ပေါက်မြို့နယ်) thawn peng 18 hrawng hlat ih ummi a si ih innkhi 230 hrawng a um.

Ralhraang pawl in an urkaang hnu ah inn 5 hrawng lawng tangin zaanlam hnu tiang a kaang rero lai tiah Khuami pakhat ih simmi cu Myanmar Now in a tarlang sawng a si.

Leave a Reply

Your email address will not be published. Required fields are marked *