SAC ralhraang in Khua 1 mipum 30 hril in Myone 10 ah Meithal an zem

Mon ramkulh, Myone 10 pawl ah SAC ralhraang in an lam ṭang pawl a hranten hril in meithal an zemsuak tiah an mah thawn naivaitu mipakhat in ThanLwin Times hnen ah a sim.

Ralhraang pawl cun athupten pawlkom an din ih ralkap ṭuan dah pawl le an lam ṭang mihrisel, natnak nei lo pawl cu Myone 1 ah mipum 30 an hril ih meithal an zem tiah amah cun a sim.

“Ka theih tawk ahcun kan dung thla lam in an din zo. Ralkap ṭuandahtu lawng siloin ralkap lamṭang mipangai khal an tel. Ralbawi (ဗိုလ်မှူး) rori a ra ih a mah in a ra hril hai” tiah amahcun a ti.

Ralhraang pawl ih dintharmi pawlkom cu PuySawHti thawn an hnaṭuan dan a bangaw ding zum a um.

NUG thawn pehpartu le NUG lam ṭang pawl thlingthla ding, Khua le vengsung humhimnak hrang ṭuanvo la ding, PDF thawn pehparmi thuthang zirzoi ding, PDF hmuh pang cun thianfai cih ding ti`n SAC ralhraang cun hnaṭuan a pe hai tiah amahcun a sim bet hrih ih “thup thei bik ih cangvai dingin SAC ralhraang in thu a suah” a ti.

Tu dinhmun ah SAC ralhraang in ramkulh sungih a thlah mi a milai PuySawHti pawl cun NLD party lamṭangtu inn pawl bat in hringhronak, ralrinpeknak ca pawl an tar ih hmun ṭhenkhat ah mipi thinphang dingin puakkuainak a phunphun an tuah hrim tiah Ralhraang thawn naivaitu hminthup mipakhat cun ThanLwin Times hnen ah a sim a si.

Leave a Reply

Your email address will not be published. Required fields are marked *