SAC ralhraang in Jet Fighter Vanzam hmangin khuasung an kap thok

Atufang ramsung hmun tamzet ah boruak sosang in SAC ralhraang le mipi humtu ralkapbu kahdonak a suak ih hmun ṭhenkhat ahcun ralram khalih hman kham mi chemical pawl cu SAC ralhraang in an hmang tiah thuthang a suak.

Cuihtlun ah SAC ralhraang cun khuasung rori khalah Helicopter hmangin mi an kap ih, tuisun May 31 khalah Kayah ramṭhen, Dimawso khua cu Helicopter 2 hmangin nasaten an kap tiah KPDF (ကရင်နီ ပြည်သူ့ကာကွယ်ရေးတပ်ဖွဲ့) thusuahnak thawng in theih a si.

Dimawso peng sung ah tuisun May 31 sun hrawngin SAC ralhraang le PDF an kapaw ih ralhraang pawl cun Loikaw lam in phukpi hmangin nasaten an kap tiah khuami pawl in an sim.

SAC ralhraang cun Helicopter lawng duh tawk loin khua thim hnu ah Jet Fighter vanzam an hmang tiah vanzam thawm theitu le meithal kah awn theitu khuami pawl ih simmi cu BBC in a tarlangsawng a si.

Dimawso doawknak ah mithi umzat le hliam tuar zat khal thuhla felfai a suak hrih lo ih SAC ralhraang lam khalin thusuahnak ziang hman an nei lo.

Leave a Reply

Your email address will not be published. Required fields are marked *