SAC Ralhraang in hman thiang lo ralthuam a hmang tam

Mizaan lam ih KNU tatmaha 6 hmunram doawknak ah ralhraang SAC ralkap pawl ta ralthuam phunphun an lak sak ih, cumi pawl ah Kawlram zorh lo ding an timi ralthuam pawl a tel.

Ralhraang ralthuam an lak sak mi pawl cu online ah pholang a si ih, cumi ah Sweden ramsuak Carl-Gustav ralthuam a tel.

“Carl-Gustav ralthuam cu Myanmar ram thunlut khap mi a si. Hivek ralthuam hi kum 2015 khalah Kawl ralkap pawl hnen ihsin an rak lak sak dah zo ih, atu ah a dang a suak lala. Leitlunhuap pawlkom pawl ih ralthuam khapawknak phungdaan pawl hi atakin hmual a nei maw timi ciangten an zoh saal a ṭul ding” ti`n rampi boruak thlirtu Ko TetSweWin in a tarlang.

84 mm Carl Gustav ( Sweden ) Recoiless Rifle cu meithal puaisa hnen ihsin ralhraang pawl in an lei ih Mindat, Depeyin le KNU hmunram doawknak pawl ah an hmang rero zo a si.

Zuk ih tarlangmi bomb zian cu KNU hmunram doawknak ah Cobra ralkap pawl in ralhraang hnen ihsin an lak sak mi a si ih “kan mah kap nakah an hmang rero zo. Himi cu April 14 zaan ih kan lak sak mi a si” ti`n Cobra ralkap sungtel mipakhat cun a rel.

Leave a Reply

Your email address will not be published. Required fields are marked *