SAC ralhraang in Emergency thuphuannak a nei

Biakpawhnak, TV line le Internet line thawn pehparmi MyTel tower siatsuahtu PDF le ralkapbu pawl cu rampi siatsuahtu, rampi dodaltu an si ruangah kan kai ngah pang cun thih daan tat lobaak lamziin dang hril ding a um nawn lo tiah SAC ralhraang in tlangthannak an nei.

September 11, zaanlam nazi 3 hrawngih emergency thuphuannak an nei lai ah SAC ralhraangbawi Zaw Min Tun in a rel mi a si ih “kan mah lam in rikhiah nei lo rorin kan ngaidam nan, ISIS le Taliban ralhraang pawl vekih mipi harsatnak an pe ringring cu rampi tisiat rumro in hawrkuam sungih dir thlak rero vek a si” a ti.

PDF le hriamkaibu pawl in hivek cangvaihnak an nei pehzom cun an sungkhat le unau pawl kaih theih nak le hrem theih nak daan thar kan tuah áš­ul ding tiah ralhraangbawi Zaw Min Tun cun a rel ih “mizaan kan meeting khalah kan bawipa Min Aung Hlaing in PDF cangvaihdan cu san nei lo a si tiah a soisel zo. Hivekih cangvaihnak an nei pehzom cun Innkil cozah in PDF pawl ih sungkhat unau kaihtheihnak, kum rei thawngthlak theih nak le thih daan tat thei nak daan thar kan tuah ding” a ti.

Zaw Min Tun cun “tukhalah Khuasung kahdonak ti`n PDF in Yangon le Mandalay khuasung pawl ah bomb an puah ih mawhneilo ralkap le palik thi an tamzet” tiah a rel bet a si.

Curuangah mi siat suah hmang PDF sungtel theihmi nan nei pang cun ralkap zunng ah direct rorin report nan tuah thei ti`n SAC ralhraang cun Emergency thuphuannak an nei a si. (Tatmadaw Information Office)

Leave a Reply

Your email address will not be published. Required fields are marked *