SAC ralhraang in Chin ramri ih khua pawl Urkaang lala

Ralhraang SAC ralkap pawlin mizaanlam ihsin Kalay-Chin ramri ih khua pawl an urkaang hlei ah, tuini December 29 khalah Webula-Falam ziin ih um Hakhalay khua ih inn ṭhenkhat an urkaang lala tiah theih a si.

Christmas boruak hrawngin Kalay-Chin ramri boruak a sosang ih nitin deuh thaw meithal puak thawm a thang tiah khawmi pawl in an rel.

Tuizing khalah meithal puak thawm kan thei tiah khawmi pakhat cun a rel ih “ralkap pawl in minung 10 hnakih mallo an kai. Biakinn sungah an khum lawk nan himdamten an thlah saal” tiah a ti.

An kaimi pawl cu khua suahsan theilo cin, Hakhalay ih kum upa le midamlo pawl an siih an kai hlan ah ralhraang pawl in khawsung inn 3 hrawng an khaang tiah kan thei.

Kalay-Chin ramri boruak a sosang ruangah Webula kiangkap (Natchaung, Chaungkhuah, Yesu (ေရစုိ), Hakhalay, Pamunchaung) khua pawl ihsin ralkian mipum 2000 hrawng an um tiah thuthang kan dong.

Leave a Reply

Your email address will not be published. Required fields are marked *