SAC ralhraang dinpitnak lamzawhtu pawl cu Khuami pawl in bungbel an rak tal san

SAC ralhraang dinpitnak Lamzawhtu mawṭaw tlar cu Aunglan khuami pawl in thawmvang ring zetin bungbel an rak tal san ih veng suahsan lohli dingin an auh, an raak.

October 25 ah Magway ramṭhen, Aunglan khualaili ihsin mawṭaw le mawṭaw cycle pawl thawn SAC ralhraang dinpit lamzawhnak an nei ih khuami pawl cun daan lo ih rampi cozah thuneihnak latu SAC ralhraang kan duhlo tiah an rak auh ve ih bungbel khukheng an tal ciam co.

Khuami pakhat cun “Dothlengnak khuh hlo tum le ASEAN hruaitu pawl meeting bat in lamzawhnak an nei nan Ralhraang dotu mipi thawn tahṭhim cun reltham an si lo.”

“Ralhraang thawn naivai deuhtu hlir an si ding zum a um. Mi an mal zet. Kan veng an thlen veten mipi in bungbel khukheng an rak tal san ih veng sung ihsin suak lohli dingin an auh ciamco” a ti.

Lamzawhthu thawn pehpar in pengṭhen PDF pawlkom 6 in khuatlang mipi him thei nak dingah Lamzawhtu kiangkap ah um hrimhrim lo dingin mipi hnen ah theihternak an nei.

October 25 ih Ralhraang dinpit lamzawhnak hi ramṭhen/ramkulh dang khal ah an tuah ih Magway ramṭhen ihsin khua 8 hrawng an telve tiah theih a si.

Leave a Reply

Your email address will not be published. Required fields are marked *