SAC ralhraang bawi Min Aung Hlaing le Aung San Suu Kyi an tong aw

February 1 ihsin erhkhum tuar rampi thuron Daw Aung San Suu Kyi le SAC ralhraang bawi Min Aung Hlaing cu July 15 ah hmaton hmuhtonnak an nei tiah Tatmadaw thawn naivaitu ṭuanvonei mipakhat in a rel.

SAC ralhraang bawi in ziang thuhla thawn a va tong ti cu thu fel fai theih a si lo ih hmuhtonnak an neiaw thu relsuaktu khalin cipciar in a rel lo.

Hih thu thawn pehpar in Myanmar Pressphoto Agency in Aung San Suu Kyi lawyer hnen ah an sut fel nan an nih lam khalin thuhla ziang hman an rak thei lo.

“Kan nih thawn cu zung ih suahpiṭul caan lawngah kan peh tlaih aw. Tu ih in sut mi thu cu ziang hman kan thei ve lo” tiah Aung San Suu Kyi lawyer ဒေါ်စန်းမာလာညွန့် in MPA hnen ah a sim.

Tubaite ih US cozah palai le ASEAN hruaitu hmuhtonnak an nei ṭum ah SAC ralhraang aiawh in Ministry Of Foreign Affair Minister U Wunna Maung Lwin a va tel ve nan meeting ih an relmi thuhla pawl cu SAC ralhraang in tuni tiang an phuang hrih lo tiah Myanmar Pressphoto Agency in a tarlang.

Leave a Reply

Your email address will not be published. Required fields are marked *