Remdaihnak hrang kan sawmnak cohlangtu Hriamkai Pawlkom tampi an um zo – SAC Ralbawi Zaw Min Tun

SAC ralhraangbawi Min Aung Hlaing in Tlangpar hriamkai hruaitu pawl remdaihnak thurelding a sawm mi thuthawn pehpar in kahdocolh lungkimnak hminkhenzotu (NCA) Tlangpar hriamkai pawlkom 9 le NCA tuah hrihlotu Tlangpar hriamkai pawlkom 8 pawl thawn kan be aw zo ti`n ralhraang thuphungtu Zaw Min Tun in a rel.

Tuni, April 27, media hnen thusimfiahnak a nei lai ah a rel mi a si ih zo pawl in ralhraang sawmnak an cohlang timi cu cipciar in a rel tel lo.

Zaw Min Tun cun “Tuhlan ahcu cozah, tatmawdaw leh hlutdaw ti`n a hranten thureltlang a si ṭheu nan tuṭum dinhmun ahcu cuvek siloin bulpak rorin thureltlang a si ding” tiah a rel ih “hivek caan ṭha ngah a har zet” a ti.

Ralhraangbawi Min Aung Hlaing cun ramsung remdaihnak hrang thureltlang dingin Tlangpar hriamkai hruaitu pawl cu April 22 ah a sawm hai.

Bulpak rorin ka tong hai ding ti`n a tiamkam hai ih pawlkom hruaitu, sungtel 2 fingfing sawmin, May 9 netabik hminpek caan a pe hai.

MAH cun “2022 kum sungah a tak ih remdaihnak thureltlang dingin Tlangpar hriamkai hruaitu pawl sawm nan si ih, hmual neimi hmalaknak si thei dingin keimah bulpak rori thawn tonawk a si ding” tiah a ti.

Remdaihnak hrang thureltlang dingah rampi buai hnu ih dinsuahmi mipi humtu hriamkai pawl a sawm tel lo tiah theih a si.

Tuni, April 27 ih ZMT thurelmi thawn pehparin hmuh dan phunphun a um ih “thinlunglam doawknak a tel ih a thu lawng cun an duhduh an rel thei ti`n siseh, Hriamkai pawlkom picang pawl an tel cuang lo ding, kan tel lo ding ti`n an phuang zo titu le mah phunhnam hrang lawng ruatin a thupten a rak cohlangtu an um khal a si thei tiih zumnak neitu an um a si.

Leave a Reply

Your email address will not be published. Required fields are marked *