Ralram ih Thuthang la ṭheutu CNN palai cu Myanmar pan in a ra

Mipi ṭanrualnak ruangah le abikin mino (generation z) pawl in nunnak thaap rori`n kawl ralkap ukhruainak an do ngam zar ah Myanmar rampi buainak cu leitlunhuap ramtintian in an thei thluh thlang ih kan ram buainak rak thlir tu khal an tam vivo.

Leitlun media hminthang tamzet khalin kan ram buainak thu le Kawl ralkap pawl ih nunrawng zia pawl cu nitin an suah mi thuthang ca hmaisabik phek rori ah an tarlang thlang a si.

Myanmar ngaihventu an tam ti cu a si ko nan kan ram rori ah ra in thuthang latu ramdang media picang an um tuk lo.

Nan, tu ah CNN chief international correspondent a si mi Clarissa Ward cu ramsung thuthang la dingin Myanmar ram a ra pan tiah theih a si.

Anih hi thuthang la/ngan lam ah hmuhtonmi tamzet neizotu a siih ca a ngan tik khalah mipi lung lut zet dingin nganthiamtu a si.

ABC News le CBS News khalah hna rak ṭuan dah zo a siih atufang ahcun CNN ah chief international correspondent dinhmun in hna a ṭuan rero lai.

Iraq, Syria, Yemen, Afghanistan ralram khalah nunnak thaap in Thuthang la ding in a pok ṭheu …….

Soiselding umlo khawp in le hlawhtling zetin hna a ṭuan ṭha theituk ruangah Awards tamzet dongzotu khal a si ih amahvek mipicang kan ram ah thuthang lak dingih a rat cu Myanmar mipi an thatho zet a si.

Meidia tamzet cun kan ram buainak thuhla hi March thla hrawng lawng khan nasaten an ngaihven ih, a nih Clarissa Ward cun bulpak rorin amai Instagram ah Myanmar mipi duhphorh lai video cu February 17 ah a rak share dah zo a si.

 

View this post on Instagram

 

A post shared by Clarissa Ward (@clarissawardcnn)

Leave a Reply

Your email address will not be published. Required fields are marked *