Ralkap le Palik ih Mi hringhronak cakuat cu a rapthlak tuk

Myanmar ralkap le palik tamzet cu ralbawi Min Aung Hlaing in rampi cozah thuneihnak a la hnu in an nun rong zia tilang vivo in mipi an sawisa ih ramsung um mipi tamzet cu ralkap ukhruainak hnuai ah him lo zetin an thei aw.

SAC ralkap le palik cu meithal hriamhrei rinsan in ramsung ah duhduh in an cangvai ih an duh caan ah mi an kai, an lung tho caan ah duhduh in meithal an hmet puak hlei ah mi inn boh in thilṭha le paisa tiang fir an hmang thlang.

Cubet hlei ah ramkhel cangvaihnak phuahlam ah hmangin bulpak rori`n mi an hringhro ih paisa an dil.

Bulpak in hringhronak message an kuat mi ah cun “CRPH thawn pehtlaih awknak nan nei ti kan thei ciang ih tuhnu nazi 2 sung ah wave paisa kuatawknak thawn kyat ting 2 in kuat lo a si le kan lo kai ding. Tlanhlo cu tum hrimhrim hlah. Tuah na kiang nai ah kan um. Tuhnu nazi 2 sungih paisa in kuat lo a si cun, lehhnu ah an sual luan tuk law mam tipang hlah aw” tiah an ngan. Cuih message cu Twitter ih verify account pakhat in a tarlang.

Cuhleiah kawlram ih mihminthang pukmah 505 thawn thubuai tuah tuar nunau pawl hnen khalah rapthlak umzetmi bulpak message an kuat.

Message ahcun “Facebook ih na zuk retmi zoh in suangtuahnak phunphun thawn keimahten nuam ka cen. Nan, tuahcun Daan vekin kaihkhih na theih thlang ih nangmah taksapar rori ah nuam ka cen thei thlang ding” tiah nunau mihminthang pawl hnen ih rapthlak umzet ca an kuat mi cu Twitter ah an tarlang.

Leave a Reply

Your email address will not be published. Required fields are marked *