Ralkap pawl in Kum 7 nute an kap that

Kawl ralkap pawl cun hriamhrei meithal rinsan in mipi an suam ih daan ah neih thlang si awm takin nitinten mi an kap that thlang.

Tukhalah Mandalay myo, Aungpinlay veng ih inn pakhat cu ralkap pawl in an luhcilh ih nauhak kum 7 nute cu an inn sung rori ah lainat zangfahnak lungthin nei loin an kap that.

A pum ih meithal kap tuar Khin Myo Chit cu a pai` ṭang sungah a nunnak a cem. Amah hi unau 8 lak ih nautabik a si tiah RFA in a ngan.

Kawl ralkap pawl in February 1 ih rampi cozah thuneihnak an la hnu, March thla lai tiangah minung 200 hnak ih tam kah that an si zo ih tuini ih an kap that mi kum 7 nute hi nauhakbik a si.

Kah that tuar tambik cu Yangon sung in a siih a sangtu ah Mandalay hi a si. Mandalay ah tuisun March 23 lawng ah meithal hliam tuar ih thi minung 5 an um tiah theih a si.

Leave a Reply

Your email address will not be published. Required fields are marked *