Ralkap pawl ih thalh sal zo mi BBC journalist ih hmuh ton mi cu a nupi in a relsuak thluh sal

Kan dung zarh lam ih kaihkhih tuar BBC Burmese journalist Aung Thura cu ralkap pawl in March 22 zing ah an thlah sal nan thinlung lam khalin siseh tisa/thazang zawng khalin a caurau zet tiah a nupi Aye Phyu in a ti.

“It lo sing loin zaan thum rori thu an sut. A taksa ahcun hremnak hliamhma tivek cu ka hmu lo nan tisa zawng khalin siseh a thinlung lam khal a caurau zet ih hahdam in a cawl hnu ah medical check-up nei ṭul ding” tiah Aung Thura nupi Aye Phyu cun a sim.

BBC Burmese journalist Aung Thura held in Myanmar https://t.co/jFbEwR22K7

— BBC News (UK) (@BBCNews) March 19, 2021

Aung Thura cu kaihkhih tuar NLD milai Win Htein thuṭhen zung ih an suah ni ah thuthang la ding in a va feh nakah ralkap pawl in an kai mi a siih amah rual ah Mizzima journalist Than Htike Aung khal an kai cih ve. Asinan, Than Htike Aung cu atutiang ralkap kut ah a um lai.

Kaihkhih a si lai ih thu an sut mi cu Civil Disobedience Movement cangvaihnak neitu pawl thawn pehtlaihawknak nan nei maw timi le Committee Representing Pyidaungsu Hluttaw sungtel pawl thawn pehtlaihnak nan nei maw ti hi a si.

Aye Phyu cun “WhatsApp le Viber ih information pawl a delete man lo mi hi a poi zet. Cun, a thuhla pawl hi Facebook ah duhduh in thlah lo dingin in sim” tiah a ti.

BBC journalist released after being kept awake for three nights and interrogated about links to CDM

Aung Thura did not have visible injuries but was ‘traumatized badly’ and exhausted by the ordeal. #WhatsHappeningInMyanmar https://t.co/wMHUIR4EXc pic.twitter.com/W2uMpWqY1u

— Myanmar Now (@Myanmar_Now_Eng) March 22, 2021

Aung Thura cu ralkap pawl in thu tiam hminkhennak an neiter hnu lawng ah an thlah sal mi a si ih ziangvek thutiamnak a nei timi cu a nupi Aye Phyu in a rel tel lo.

Detained Journalists Information Myanmar facebook group ih tarlangmi vek a si le kawl ralkap pawl in rampi thuneihnak an la hnu, March 21 tiangah ralkap pawl in Journalists 43 an kai/kaitum zo.

Cumi lakah minung 24 an thlah sal zo ih mi 10 pawl cu pukmah 505a thawn an khing tiah Myanmar Now in a ngan.

Myanmar coup: Detained BBC journalist Aung Thura released https://t.co/BfrUGOg7Gi

— BBC Asia (@BBCNewsAsia) March 22, 2021