Ralkap pawl ih kah that zo mi a Fapa beisei in a rak cuan ringring

Myanmar rampi a buai vutvo lai ah Nu le pa pawl ih ngaihtuah seherh bikmi pakhat cu an fa le pawl him dam ten an tlung thei pei maw ti hi a si.

Myanmar rampi a buai thok ni February 1 ihsin tuni March 27 tiangah Dothlennak ih nunnak liam 400 an kim zik.

Cumi ah mino tamzet an tel ih hrekkhat nu le pa phei cun an fa le ruak hman hmu ngah loin ralkap pawl ih ur ziamral sakmi khal a um.

Dothlennak ih nunnak liam Kawng Hing Htet ih nu khal cu “ka fapa him dam ten a ra tlung pei maw! Maw, a ruak sawn in in ra pan ding” tiih don har ringring ih um a si.

Tuah, a fa duat Kawng Hing Htet cu ralkap le palik pawl kut tuar in a nunnak a cem zo nan, a nu cun a fapa thih cu a zum thei hrimhrim lo.

An innsung rori ah a fapa ruak a um nan “ka fapa cu zianghman a ei ta lo, a rilrawng tuk ding” a ti ih a fapa hmuithlam hmuh beisei in innsung ihsin lenglam a cuan ringring. Athinlung lam tiang a buai thok zo.

Ṭhiṭha khalin a ṭap thei lo ruangah kiangkap veng hnen pawl in an seherh zet. Rawl khal a ei duh lo ih tidai khal ṭhiṭha in a in lo. Tidai an tuul ding hman ah “na fapa in inseh a lo ti” an ti hnu lawngah mal tak teten a in. Cuticing khalin “ka fapa cu khi lam ah a thleng zo” a ti.

A video rak zoh ve aw …….

Leave a Reply

Your email address will not be published. Required fields are marked *