Ralkap lamṭang Mandalay, Veng Lal thar Naam dawt tuar lala

Tulai cu rampi ukhruai thuneihnak Daan lo ih latu SAC ralkap ih hnaṭuan pemi le an lam ṭang siattongtu hmuh ding an tamzet.

Ṭhenkhat cu naam thawn dawt that tuar na, meithal kap tuar na, mawh neilo fanau innsang ṭihkhur ding thlohthloh ko ih inn kiang bomb puah tuar na … ti`n a phunphun in an tuar.

Tuisun, May 6 khalah SAC ralkap ih hnaṭuan thiah thar Mandalay, Chanmyathazi myone, Tampawadi veng lal cu naam dawt tuar in Siizung a thleng.

Dawr ih thil a ei lai ah mino pahnih in naam thawn voihnih an dawt ih mawṭaw cycle thawn an tlanhlo cih.

Ahmutu mipakhat cun “1212 ရှမ်းခေါက်ဆွဲ dawr ah naam dawt a tuar. Veng sung um khal an si lo ih ka hmu dah mi khal an si lo. Mawṭaw cycle thawn an ra ih naam thawn voihnih an dawt. Hliamhma thawn kiangkap inn ah lut tum in a tlan ciamco. Lungto thawn a sut tum hai ih mino pahnih cu mawṭaw cycle thawn an tlan hlo” a ti.

Naam dawt a tuar hnu nazikaar ah ralkap mawṭaw ra in Siizung ah an phur cih tiah vengmi pawl in an sim.

Kum 50 mi U Aung Moe cu Tampawadi veng lal a ṭuan nak ni malte lawng a si lai ih naam dawtnak hi a nunnak hrang tiang ṭih a nung maw ti cu theih a si lo.

Atufang Myanmar ram dinhmun cu ṭhatlam a pan thei hrih lo dinhmun in a lang ih rampi ukhruai thuneihnak latu ralkap khal dung siip an tum lo vekin mipi lam khalin ralkap ukhruai dokalhnak an nei pehzom vivo dingin a lang. (BBC)

Leave a Reply

Your email address will not be published. Required fields are marked *