Ralkap fanu Kum 17 nute in Duhphorhnak ih a tel nak san simfiang

“22222” duhphorhni ah ralkap cozah ukhruainak dodal in rampi huap mipi ting thawngteel in lamzawh duhphorhnak an nei ih Yangon duhphorhnak ih telvetu ralkap fanu kum 17 nute cun mipi lam ṭangin lamzawhnak ih a tel naksan a sim fiang.

Amah hi University ah kum 2 nak kailai a si ih Internet ah game a lekmi thlah ṭheutu Game Streamer khal a si.

Niziat sung duhphorhnak ah na tel zo? Kum 17 lawng na si lai ih စစ်အာဏာရှင်စနစ် ti hi a sullam na thei maw? ti`n DVB in thusutnak an nei ih, amah cun “Nitinten cu ka tel thei lo. Tu hi ninganak a si. စစ်အာဏာရှင်စနစ် timi cu ka theithiam ko. Asan cu ka pa hi ralkap a si.”

“Mipi lam ṭangin Lamzawh duhphorhnak ka tel pek cu ka pa theih lo in ka suak thup. Nan, tu ahcun in thei ciang zo. Lenglam ah suakvak hlah in ti nan a thupten ka suak thotho ih duhphorhnak ah ka tel” a ti.

Napa`n alo sianglo cingin ziangah duhphorhnak ah na tel thotho timi thusutnak ah “Tuhlan ahcun politic thawn pehpar mi hi ka ngaihsak dah lo. Asinan, Daw suh an kai ih Internet pawl an phit ṭheh bet tikah mipakhat cio ih pianvo zalennak hi in huumrek sak ti`n ka ruat.”

“Kei hi Game Streamer ka si ih ralkap cozah in internet pawl in phit thluh tikah kan hmakhua pit lam pan dinhmun deuh khi a si. Curuangah kan hmailam, kan tesinfa hrang tiang lamziin kan sial sak a ṭul ti`n ka ruat ih inn ah daiten tomen loin duhphorhnak ah ka tel ve hi a si” a ti.

Kan ram boruak le atui` na ruahnak pawl hi napa na sim fiang dah maw? ti`h thusutnak ah “ka sim ko. Nan, hnaset i tun men. Curuangah duhphorhnak ih tel dingin a thupten tlan suak baklo cu lamziin dang a um lo. Hmailam caan khalah ka tel pehzom vivo ding” a ti.

Leave a Reply

Your email address will not be published. Required fields are marked *

error: hahahahahaha !!