Ralhraangbawi-Min Aung Hlaing ih thu suah thup cu online ah a darh

SAC ralhraang cun a dungthlun le a hnaṭuantu pawl hnen ah “Kawlram ah Rohingya miphun timi an um lo ti`n ralṭha zetih rel uh” tiah a thup tei` thupeknak a nei mi cakuat a puut darh.

Cumi cakuat cu online ah a puut darh ih thupeknak cakuatthup ahcun “ramsung phunhnam 135 um mi ah Rohingya an tel lo. Bengali mi sawn an si ih an sinak dik cu ralṭha zetin rel uh” tiah an ngan a si.

Cuih tlun ah kahawknak le puakkuainak a suak ṭheu mi cu hmual nei zetin kham ding, Vengsung ah theih dah lomi mihring lutsuak um le um lo check fel ding, mikhual cazin check ringring ding, CDM thawn pehpar mi ah cozah zung lam ih thubuai um mi pawl dik zetin phorh suak thluh ding tvk telin thupekmi cang 13 a tel.

Min Aung Hlaing le ho pawl cu ram humhimnak thawn pehparmi meeting an nei thup hnu ah Ralhraangbawi Min Aung Hlaing ih thusuah cu August 20 ah ramkulh pengṭhen CM hnen ah an kuat sawng mi a si ih, tlunlam thusuah cu ramkulh pengṭhen hotu in cozah hnaṭuan pawl hnen ah simthannak an nei sawng tiah theih a si.

Leave a Reply

Your email address will not be published. Required fields are marked *