Ralhraangbawi Soe Win in Tlawngta pawl duh tawk ih kut thlak theihnak Thuneihnak a pe

Vice Senior General Soe Win in Tlawnginn ih SAC cozah dodalnak tuahtu pawl cu duh tawk ih kut thlak dingin ralhraang ralkap pawl a sim thei.

2022, June 2, SAC cozah ralbawi pawl regular meeting an nei nakah a rel mi a si ih SAC cozah dokalhnak tuahtu cu na zetin hrem uh a ti.

“Tlawnginn khalah siseh, SAC cozah hnukthlak tumnak tuahtu, lole, cuvek cangvaihnak ih teltu pawl cu napin hrem uh.”

“Keimah thupeknak hngak kher a ṭul lo. SAC cozah dodaltu cu napin hrem in hrut fai uh” tiah State Administration Council Vice-Chairman Senior General Soe Win cun a rel ih “Tatmadaw cu ziangtiklai khalah Tatmadaw kan si ringring ding” a ti.

Tufang hi ralhraang on mi Tlawnginn pawl ah fa le Tlawng ret ding le ret lo ding thu ah nu le pa an laklawh zet laifang a si ih, ralhraang hnen Tlawngkai thapelotu pawl cun ralhraangbawi Soe Win thu rel mi hi an hnen ih fa le Tlawng ret a ṭihnung zia tahfung ah an hmang a si.

Leave a Reply

Your email address will not be published. Required fields are marked *