Ralhraangbawi Min Aung Hlaing in remdaihnak hrang boruak a hai lala

Ralhraangbawi Min Aung Hlaing in ramsung remdaihnak hrang thureltlang dingin Tlangpar hriamkai hruaitu pawl cu tuni April 22 ah a sawm hai.

Tuhlan khalah kan rampi a buai hnu ah remdaihnak thureltlang dingin a rak sawm hai zo nan duh vekin a hlawhtling thei lo ruangah a thar in a sawm saal hai a si.

Nan, tuṭum a sawm dan cu tuhlan vek siloin amah rori thawn tongawkhawm dingin a tiamkam hai ih pawlkom hruaitu le sungtel 2 fingfing sawmin, May 9 netabik hminpek caan a pe hai.

MAH cun “2022 kum sungah a tak ih remdaihnak thureltlang dingin Tlangpar hriamkai hruaitu pawl sawm nan si ih, hmual neimi hmalaknak si thei dingin keimah bulpak rorin tonawk a si ding” tiah a ti.

Asinan, remdaihnak hrang thureltlang dingah rampi a buai hnu ih dingsuakmi mipi humtu hriamkai pawl a sawm tel lo tiah theih a si.