SAC ralhraang in PDF telin Khawmi 15 kap that

Sagaing ramṭhen, Khin-U peng ih khua pawl luhcilhtu ralhraang SAC ralkap cun PDF telin Khawmi 15 an kap that tiah theih a si.

Mani, January 25 ah Khin-U peng, Pauktaw khua le Thayetkan khua luhcilh in mipi humtu ralkap le khawmi 11 an kap that ih, tuini, January 26 ah ShweYaMin le kiangkap khua pawl luhcilh betin khawmi 4 an kap that bet a si.

“January 25 ah Ralhraang thazang 80 hrawng cun Khin-U peng ih khua pawl luhcilhin mi 7 hnak ih mallo, khawmi an kap that. Cuih khua pawl ihsin ralkian tamzet an um ih, tu khalah an kir ngam hrih lo” ti`n Khin-U peng thuthangdik suahtu pawlkom cun thu an suah a si.

Khin-U peng ih thilthleng thawn pehparin SAC ralhraang lam khalin thu an suah zo ih “Mani, Thayetkan phungkitlawng doawknak ah miruak 8 rualin တူမီး 23, kuttuah meithal 3, စိန်ပြောင်း 12, kuttuah bomb le ralthuam dangdang kan kai” tiah an tarlang.

“Cuhleiah, mani thotho ah Pauktaw khua luhnak ah doawknak a suak ih, miruak 3 rualin တူမီး 1, kut tuah meithal, kuttuah bomb 5 le meithal dangdang kan kai” ti`n ralhraang lam cun thu an suah.

Tuini, January 26 khalah ralhraang ralkap pawl cu cangvai pehzomin Khin-U peng ih khua pawl an luhcilh bet ih, inn ṭhenkhat an urkaang hlei ah khawmi 4 an kap that ti`n Mandalay Free Press – MFP in a ngan.

Tukhalah, Khin-U peng ah ralhraang pawl an cangvai nasat ruangah khualtlawng suksolo dingin thuthanawknak a um a si.

Leave a Reply

Your email address will not be published. Required fields are marked *