Ralhraang pawl in Kalay-Gangaw ziin ih Khua pakhat an Urkang lala

Tuizing, September 12, zinglam nazi 7 hrawngah Gangaw-Kalay ziin ih ṬheeHlaw khua cu SAC ralhraang pawl in an urkang tiah theih a si.

“Zinglam nazi 6:30 hrawngah an nawk kang. Kan inn le Lo a kaang mi cu hmun hla ihsin kan cuan. Ti thei ziang hman kan nei lo. Ralkian dinhmun in kan khua kan suahsan thluh” tiah khuami pakhat cun KTM hnen ah a sim.

Tuhrawng hi Sagaing le Magway ramri boruak a sosang zet ih nitin deuh thaw kahdonak thawmvang theih ding a um.

Ralhraang cangvaihnak hmuh ding a tam ruangah le mipi him thei nak dingah ti`n PDF pawl in khualtlawng sukso lo dingin tlangthannak an nei rero zo a si.

Abikin Gangaw-Kalay ziintluan ih Khua pawl ah ralhraang an cangvai nasa ih tuizarh sung lawngah inn 80 lenglo an urkang zo ih SAC ralhraang kut tuar ih nunnak cem khuami 20 hrawng an um zo tiah theih a si.

Leave a Reply

Your email address will not be published. Required fields are marked *