Ralhraang hrangih thupi zetmi Tlangleng lamzin Bomb thawn puah siat

Mon ramkulh, Ye myone, Taungbon khua ih Tlangleng ziin cu tualsung hriamkai MSRU in bomb thawn an puah siat.

Bomb thawn puah mi Yangon-Ye-Hṭawei Tlangleng lamziin cu SAC ralhraang in ralthuam le thil phunphun phurnak ih a hman ṭheumi a si ruangah kan siatmi a si ti`n Mon hrambun hriamkai pawl cun thu an suah.

“SAC ralkap sunglam ihsin thuthup kan dong ih Yangon-Ye-Hṭawei Tlangleng ziin kan puah siat. A hahaten SAC ralhraang kan do vivo ding” tiah bomb puahnak ih telvetu mipakhat cun RN hnen ah a sim.

SAC ralhraang hrangih thupizet, Tlangleng ziin a si mi Thir Lilawn cu tuizing February 8 ah bomb an puah ih a siat thluh ti`n tual sung um pawl an rel a si.

MSRU pawlkom cun January 28 khalah hmunhla kahnak Mortar hmangin ralhraang umnak ခမရ 586 cu voihnih rori an rak kap zo.

February 1 khalah Ye myone Taungbon khua kiang ih Mytel tower cu caankhiah bomb hmangin an rak siat sak dah a si.

Leave a Reply

Your email address will not be published. Required fields are marked *