Ralhraang thusuah thar thei man lo in Phun 10 ong lo ruangah a rak that aw man

Rakhine ramkulh, Rathedaung peng, Kontan khawmi fala Khine Yu Way (kum 19) cu phun 10 a ong lo ruangah amahten a that aw.

Ralhraang ukhruainak hnuai ih tuah mi Phun 10 exam result cu June 17 ah a suak ih, a ong ve lo ruangah Sun nazi 12 hrawngah zinghnam that sii a in.

A luak ciamco ih siizung ah phur in an tuamhlawm nan, June 18 zianglam ah nunnak cem in, zaanlam ah a ruak an vui cih tiah theih a si.

Khine Yu Way thih thu hi internet cahmai ah mipi rel a hlawh zet. Asancu phun 10 ong lo beidong in zinghnam that sii a in hnu ah ralhraang ralkap kut hnuai ih um fimzirzung ihsin phun 10 exam tuahlotu le onglotu pawl hrangah exam voikhat kan tuah sak sal ding ti`n thu an phuang.

Kan ram ah phun 10 ong lo ruang ih mah le mah thatawtu hi an tam thei zet. Miṭhen cu an tumtah vekin thil a cang thei lo ruangah beidong in an that aw.

Ṭhenkhat an si le nu le pa kawk phang ah mahten an that aw. Nu le pa mawhthluknak ruang ih mah le mah that aw khal an um nan, Khine Yu Way cu a nu le pa in ziang ti khalin an ti hran lo nan zinghnam sii in in amahten a that aw tiah theih a si.

Leave a Reply

Your email address will not be published. Required fields are marked *