Ralhraang sungthu a puut darh ruangah ralrin pekawknak thuhlapi an suah

Sunglam Sen, Lenglam Hring mi Donfawh (ဖရဲသီ:) thawn tahṭhim in Dothlengnak le NLD party thape cingin SAC ralhraang lakih tlanglengtu pawl cu ဖရဲသီ: tiah ralhraang pawl in an ko.

Atu khalah SAC ralkap pawl lakih tlanglengtu ဖရဲသီ: ralkap tamzet an um ih cupawlcun ralhraang sungthu pawl cu Dothlengnak thawn pehpartu hruaitu pawl hnen ah thuthup an kuat ṭheu.

Atu ah, a thupten mipi lam ṭangtu ဖရဲသီ: ralkap ṭhenkhat cu an him nawn lo tiah ပြည်သူ့ရင်ခွင် – People’s Embrace in FB cahmai ah an tarlang.

SAC ralhraang ကစထ 5 hotu in a kuthnuai ih ralkap pawl le an innsang pawl cu ဖရဲသီ: ralkap pawl phorhsuak thei dingin mipi lamṭang vekin Lem a cangter ih a thlingthla fial tiah People’s Embrace cun thu an suah.

“Cuvek dinhmun a si ruangah tat sungih um ဖရဲသီ: pawl cun Telegram/Signal tivek hmangin thu in than tikah malh saal lohli ding, ralringten um ding, rinhleh um deuh pawl cu nan sinak dik sim lo ding, thup thei bikin um ding” ti`n ralrinpeknak an nei a si.

ပြည်သူ့ရင်ခွင် – People’s Embrace cu Ministry of Defence – National Unity Government of Myanmar thawn hnaṭuantlangtu pawlkom an si ih CDM tuahtu/tuahduhtu ralkap le palik pawl hrang ṭuanvo latu an si ih ralhraang sungthu pholang ṭheutu khal an si.

Leave a Reply

Your email address will not be published. Required fields are marked *