Ralhraang SAC ralkap in Rampi Ukhruai thuneihnak an la hnu ih Lamzin/Lilawn siatmi cazin cipciar

Ralhraang SAC ralkap in daan loin rampi ukhruai thuneihnak an la hnu, February 1 ihsin November 20 tiangah rampumhuap Lamzin/Lilawn siatsuahmi 397 a um zo tiah theih a si.

Bomb thawn ṭhiatbalmi lole Ur siatmi Lamzin/Lilawn cu Yangon lawngah myone 38 ihsin 109 a um ih, cumicu ramṭhen pakhat dinhmun in rampumhuap ah a siat tambik a si.

Yangon sangtu ah Sagaing ramṭhen in a thlun ih, cuih hmun ihsin myone 30 ih Lamzin/Lilawn 94 pawl a siat. Apathumnak cu Mandalay ramṭhen a si ih myone 17 ihsin Lamzin/Lilawn siat 55 a um.

Cuihtlunah Mon ramkulh myone 8 ihsin Lamzin/Lilawn 30, Magway ramṭhen myone 10 ihsin Lamzin/Lilawn 22, Kachin ramkulh myone 10 ihsin Lamzin/Lilawn 20, Pago ramṭhen myone 7 ihsin Lamzin/Lilawn 16, Shan ramkulh myone 8 ihsin Lamzin/Lilawn 14, Kayin ramkulh myone 6 ihsin Lamzin/Lilawn 10, Naypyitaw myone 5 ihsin Lamzin/Lilawn 9, Ayeyarwady ramṭhen myone 5 ihsin Lamzin/Lilawn 6, Tanintharyi myone 3 ihsin Lamzin/Lilawn 6, Kayah ramkulh myone 2 ihsin Lamzin/Lilawn 4, Chin ramkulh myone 1 ihsin Lamzin/Lilawn 2 tipawl cu bomb puah lole Urkaang nakin a siat tiah SAC ralhraang in thu a suah.

Cuvek siatsuahnak thawn pehparmi thuthang theitu cun anaibik cozahzung pawl ah a thupten simthei dingin SAC ralhraang in dilngennak a nei cih a si.

Leave a Reply

Your email address will not be published. Required fields are marked *