Ralhraang SAC ralkap ṭhenkhat cu Doawknak ah Plastic meithal Lem an rak pai ziar

March 27 ah Karen ram, Myawaddy thlanglam, Waw Lay peng ah KNLA telin hriamkai ṭangrual pawl in SAC ralhraang an do ih doawknak ah ralhraang 50 lenglo an thi tiah theih a si.

Waw Lay doawknak hrang thazaang thar an cah mi ralhraang ralkap 300 lenglo cu hriamkai ṭangrual pawl in lamlak ihsin leiphum bomb le ralthuam phunphun thawn an rak do ih, Ke thawn a feh mi an si tikah ralhraang an tuar na zet tiah doawknak ih telvetu mipi lamṭang ralkap 1 in rel.

“Mithi an tam, Kan lam ralkap pawl in hmun 2 ah ṭhen aw in dunghmai rorin an do tikah ralhraang a thi an tam.”

“An tuar nat ruangah Sunlai ah Vanzam 2 thawn in ra kap. Cufang ah mithi le an ralthuam pawl cu hmanhmawh zetin ralhraang pawl in an la. Miruak cu a pung rorin an pung. Ralhraang ralkap 50 hrawng an thi ti`n kan thei” tiah KNLA thawn biakawtu PDF ralkap pakhat cun thanlwinkhet hnen ah a sim.

Ralhraang thi an tam thu cu KNU thawn naivaitu mipakhat khalin a rel ih ralthuam phunphun an lak ngah tiah a ti.

Ralhraang ta ralthuam an lak sak mi sungah Plastic pistol khal a um tiah an rel ih Meithal Lem an lak sak mi video tawi cu online ah an thlah darh.. ..

Leave a Reply

Your email address will not be published. Required fields are marked *