Ralhraang ralkap sangkakhar meeting ah Pu Henry Van Ṭhio a tel thei lo

NLD cozah san lai ih rampi VP 2 ṭuanvo kaitu Pu Henry Van Ṭhio cu mizaan, July 31 ih tuahmi ralhraang ralkap sangkakhar meeting ah damlonak ruangah a tel thei lo tiah thu an suah.

Ralhraang ralkap thusuah dan ah a nih hi rampi a buai hnu, ralhraang ralkap in ukhruai thuneihnak an la hnu khalah Vice President dinhmun in an fehter ti a si ih, tuhlan ih a umnak Naypyidaw cozah bawi upa pawl um nak ah um in, a hlawh pangaite a ei lai tiah thieh a si.

January 31, Naypyidaw ih tuahmi ralhraang sangkakhar meeting khalah damlonak ruangah a tel thei lo ti`n thu an rak suah dah zo ih, tuṭum khalah damlonak ruangah a tel thei lo ti`n thu an suah sal.

July 31 ih tuah mi Ralhraang ralkap sangkakhar meeting ah Lailak rampi president U Mint Shew siseh, ralhraangbawi Min Aung Hlaing le SAC cozah Luan pawl an tel ih 2008 daanhrampi sirhsan in rampi emergency thuphuan cu thla 6 an ṭhan bet.

2008 daanhrampi ah rampi emergency phuangin ralkap in thuneihnak an kai a si le, tuah ṭulmi tuah suak bet thei dingah voi 1 ah thla 6 ti`n voi 2 Ukhruainak an kai bet thei ti`n a um ih, cuhnuah thla 6 sungah remṭhatnak hrang caan lak bet theih ti`n a um.

Leave a Reply

Your email address will not be published. Required fields are marked *