Ralhraang ralkap in Yangon khawsung dawr ṭhenkhat siatsuah in Urkaang

Ralhraang ralkap in June 30 zaan nazi 8 hrawngah Yangon, Hledan ziin ih dawr ṭhenkhat an siat sak ih thil zuar pawl khal kai in duh tawk in kut an thlak.

Ralhraang ralkap hi mawṭaw 5 le ralkap thazaang 40 hrawng an si ih ziin kap ih thil zuar bungrua pawl an urkaang. Thil zuar mi pawl pung khawm in an urkaang tiah ramsung thuthang tarlangnak thawngin theih a si.

“Ralhraang ralkap ṭhenkhat in lamzin an kham ih hrekkhat in dawr pawl an siatsuah. Ziin rual ih um dawr khaan pawl khal sangka sit bal in thilri pawl an phorh sak” ti`n a hmun ih um pawl relmi cu tualsung media pawl ah tarlang a si.

Tuhlan ni 2 luan zo hrawngah Hledan ziin ah mino ṭhenkhat lamzawhnak an nei ih thilzuar pawl in thazaang pekin kut an beng, kut zung thum an thil. Curuangah tuvekin ralhraang ralkap pawl an cangvai a si thei ti`n tualsungum mipakhat in a rel.

“Lamzawh duhphorh thu an zirzoi ih dawr tuah pawl in zianghman kan thei lo an rak ti a si thei. Kut an thlak dan le thilri an siat sak dan ah an par ah an lungawi lo zet a bang” ti`n amahcun a rel.

Video

Leave a Reply

Your email address will not be published. Required fields are marked *