Ralhraang ralkap in Thin Zar Wint Kyaw an kai

July 6 zaanlam hnu in Kawlram mihminthang Thin Zar Wint Kyaw an kai thu, thu a leng ih atu ah SSPP/SSA ṭuanvonei mipakhat in BBC hnen ah thu dik a si ti`n a nemhnget.

Amah hi Shan ram ṭhansonak thawn pehparmi zuknungtawi zuk dingin tui kaar tir ah Shan ram ah a thleng ih, Shan ralkap thuamhnaw thawn a zukaw mi cu online ah nasaten a darh.

Cuimi thu ah ralhraang ralkap lamṭang pawl soisel a hlawh zetih miphun phatsantu a si ti`n kaihkhih ding tiangin forhfialawknak a um.

Cuvek thu a um ruangah SSPP/SSA in simfiahnak an tuah ih “tumtahnei ih tuah mi siloin video zuk nak ihsin mopuai ah a feh cih ruangah Shan ralkap thuamhnaw a hruh mi a si” ti`n an simfiang sak nan, atu ah ralhraang ralkap in an kai thu, thuthang a suak a si.

Atu ca kan ngan tiangah khawi nah hmun ah an kai timi cu felfaiin theih a si lo ih, tudinhmun ah a sungkhat naivai le ralhraang ralkaplam thuhla sut fiang dingin BBC in a tawlrel lai thu, a tarlang a si.

Leave a Reply

Your email address will not be published. Required fields are marked *