Ralhraang ralkap in Khua ṭhenkhat ah mawṭaw cycle to an khap

Yangon ramṭhen, Thanlyin le Kawhmu myone khawte ṭhenkhat ah ralhraang ralkap in ni 4 sung mawṭaw cycle to an khap.

May 19 ihsin 22 tiang an khap ih ralhraang thusuah cu khawbawi pawl in khawltlang mipi an sim thei zo.

Tuni May 18 ihsin mawṭaw cycle thawn khawsung lutsuak an siang nawn lo ti`n Thanlyin ih um mipakhat in Myanmar now hnen ah a sim ih “thaisun ihsin cu mawṭaw cycle totu cu license lon an si ding ih, cycle thawn, a totu thawn thawngthlak an si ding ti`n hringhroawknak a um” tiah a ti.

Kawhmu myone khalah cutin an rel ve ih, Khawte ṭhenkhat ahcu May 17 ah Meithatzung ah mawṭaw cycle ap thluh dingin thu an than ti a si.

Ralhraang thusuah thawn pehpar in tualsungum mipakhat cun “an ti vekih tuah baak lo cu ti dan ding dang a um lo. Mipi ṭih dingin in ṭhih hrim mi a si.”

“Himi ruangah mipi lam in harsatnak tumpi kan tong. Cycle a um lo cun Bazaar kai pawl an cangvai thei lo. Neihsun thawn mawṭaw cycle leiin carrier tuahtu hrang khalah harsatnak tumpi a si. Ei-in hrang le hmailam hrang ruat ah don har za a si” a ti.

May thla thok hrawngah Kawhmu peng, Hnget Aw San khaw kiang ih duty ralhraang mawṭawtlar cu mipi ralkap pawl in an kap ih, cuih kiangkap khawmi 400 lenglo ralhraang in an kai nan ni 2-3 hnu ah an thlah saal.

Cuih boruak ah ralhraang ralkap in Thanlyin le Kawhmu myone khawte pawl luhcilh ih mi kai ding an hawl tiah theih a si.

Leave a Reply

Your email address will not be published. Required fields are marked *