Ralhraang pawl in Raldonak Helicopter hmangin Chin ramri an kap

Chin ramri, Kalay peng, Natchaung khua kiangkap cu SAC ralhraang in Helicopter hmangin December 23, sun lai hrawngah nasaten a kap a si.

Hih hmun kiangkap ah CNDF, Kalay PDF le hriamkaibu ṭhenkhat kopawin SAC ralhraang an do tiah theih a si ih, ralhraang pawl cun umhmun an khuarnak Natchaung tlawnginn in siseh, Helicopter khal hmangin nasaten an kap tiah khuami pawl in an rel.

“Vanzam thawn kan khua kaingkap an kap nak voi 5 a si thlang. Umhmun an khuarnak tlawnginn khalin meithaltum an hmang ih, ralkian kan khawmi pakhat le naute pakhat hliam an tuar” tiah Natchaung khuami mipakhat in a rel.

Natchaung kiangkap ah SAC ralhraang le hriamkai pawl doawknak a nasat ruangah Natchaung telin kiangkap khua pawl ihsin ralkian mipum 2000 lenglo an um zo tiah DVB thuthang in a ngan.

Leave a Reply

Your email address will not be published. Required fields are marked *