Ralhraang mawṭawtlar bomb an puah hnawh, ralhraang ralkap 10 thi

Tanintharyi ramṭhen, Palaw peng, Minhtein khua kiang ah ralhraang mawṭawtlar bomb an puah hnawh ih mithi le hriam tuar um in mawṭaw 3 a siat.

June 6, zinglam ah Palaw hrambun King Cobra Forces mipi ralkap pawl in thuthang an don cia vekin ralhraang fehnakding lamtluan ah mine 6 an kam.

“Ralhraang ralkap hi mawṭaw 8 thawn an si. Tanintharyi ihsin Mon ram lam ceer tum an si ih thuthang kan dong cia vekin lamzin ihsin kan rak do”.

“Mawṭaw 3 a siat ih ralhraang 10 an thi. 5 hrawng hriam tuar an um. Kan nih lam cu kan him dam” ti`n King Cobra Forces ṭuanvonei mipakhat in a rel.

Mine 6 kam mi cu a zaten a puak fuh ih tumtah vekin ralhraang pawl fuh zetin a puah ngah hai. Curuangah mithi an tam tiah amahcun a rel bet hrih.

Palaw peng khawte kiangkap ah ralhraang ralkap bomb puah an tuar thei zet ih doawknak khal a um ringring tiah theih a si.

Leave a Reply

Your email address will not be published. Required fields are marked *