Ralhraang kuthnuai ih um Naupailai innsangnu tiang raldo thu zirter thlang ding

Min Aung Hlaing kuthnuai ih um Ministry of Home Affairs ih Thawnginnlam ṭuanvolatu pawl ih innsangnu zaten raldothu zirhawknak kai tengteng dingin SAC ralhraang in thu a suah.

Thusuahmi ah “Zirhawknak hrang ralring cia uh” tiah tarlang a si ih Thawnginn ṭuanvonei siseh, Sakhaan le zung hnaṭuan pawl pohsan ih khawsatu innsangnu hmuahhmuah tel thluh dingin thu an suah.

“Atu ah, Thawnginn sakhaan ṭhenkhat cun kainakding uniform an ṭhih thok zo” tiah Thawnginn ih hnaṭuan/ṭuanvonei mipakhat cun a rel.

A ra lai dingmi 2022, January thla ihsin thok thei dinhmun a si ih, General Administration Department zung hnui ih cozah hnaṭuantu` innsangnu zaten khal, zirter dingin SAC ralhraang in thu a suah.

Zirhawknak ah kum 60 thuailam hmuahhmuah tel thluh dingin thu an suah hlei ah thla 7 luan zo naupai pawl lawng an luat ter. Thla 3-4 naupai cin cu raldonak thu zir dingah an telh ve.

Tuhlan khalah Palik nupi pawl raldo thu zir dingin SAC ralhraang in thu a rak suah dah ih cuih ṭum ih zirtu ṭhenkhat cu an ṭheksuak zo ruangah Naypyidaw MICC-1 lam ah an kuat tiah thuthang dongtu MKT in a ngan.

Leave a Reply

Your email address will not be published. Required fields are marked *