Ralhraang kut thuai ih Electric zung hnaṭuan mipum 26 an kai

Ministry Of Electricity And Energy hnuai ih hnaṭuantu mipum 26 pawl cu hriamkai pawlkom pakhat in an kai tiah Kayah hrambun media pawl in an tarlang.

Kayah ramkulh, Lawpitah-Shwemyo Maha electic line remṭha dingin an feh lai ah zo an si ti thei lo mi hriamkai pawl cun သာစည် မဟာဓာတ်အားလိုင်းမှူး zung ih hnaṭuan, electic lam thiamsang U Soe Than telin a hnaṭuanpi 26 pawl thawn an kai tiah an tarlang.

An kaih nak san hi felfaiin theih a si lo ih khawmi ṭhenkhat cun SAC ralkap thlahmi an si ding zum an um ruangah an kaimi a si thei tiah an rel.

“Shan le Kayah ramri ih um Mongpai myone telin Loikaw kiangkap khalah SAC ralkap le PDF pawl an kapaw ṭheu ih, atu an kai mi pawl cu SAC thlahmi thlingthlatu ti`n an ruat ruangah an kaimi a si thei” tiah khawmi pakhat cun a rel ih “an kai nak cu Loikaw-Mongpai ziinpi ah a si” a ti.

Hih thuthawn pehparin DVB in Loikaw Maha Electric line zungpi an be nan an pehtlaih thei lo ih, Mongpai PDF hnen khalah an sut nan kan mah kan si lo ti`n an rak ti.

PDF ṭuanvonei mipakhat cun “Tu dinhmun ahcu Mongpai kiangkap ah remṭhat ṭul meisa siatmi tivek a um loin kan thei. Cun, Mongpai electric zungah cu zetzet hnaṭuantu an um lo.”

“Nan, boruak sosangnak hmun ih ralhraang bawmtu ding an thlah mi kaihkhihmi tivek cu an um thei ko. Asinan, kan mah cangvaihnak a si ti`n cu kan rel thei lo. Cun, cuih hmunram hrawng khi ṭhiṭha in kan thei ciang lo” tiah a ti.

zuk : Shan le Kayah ramri “Gate”

Leave a Reply

Your email address will not be published. Required fields are marked *